İşemik insultda reabilitasiya nə verir?
İşemik insult beyinə qan axınının pozulması nəticəsində yaranır və yuxarı və aşağı ətraflarda gücsüzlük şikayətlərinə səbəb ola bilər. Erkən diaqnoz və vaxtında müalicə — dərman, elektroterapiya və idmanla reabilitasiya — ciddi fəsadların qarşısını almağa kömək edir.
Parkinson xəstəliyi nədir?
Parkinson xəstəliyi beynin hərəkətləri idarə edən hissəsinin zədələnməsi nəticəsində yaranan nevroloji xəstəlikdir. Əllərdə titrəmə, hərəkətlərin yavaşlaması, əzələ sərtliyi və tarazlıq pozğunluğu kimi əlamətlərlə özünü göstərə bilər. Erkən diaqnoz və düzgün fizioterapiya həyat keyfiyyətinin qorunmasına və gündəlik aktivliyin yaxşılaşmasına kömək edir.
Giyen-Barre sindromu nədir?
Giyen-Barre sindromu yuxarı tənəffüs yolu və ya mədə-bağırsaq infeksiyasından sonra rast gəlinən, lakin erkən diaqnoz və düzgün reabilitasiya ilə idarə oluna bilən nevroloji xəstəlikdir.
Üz iflici bərpa olunurmu?
Fasial iflic (üz iflici) erkən müdaxilə ilə bərpa oluna bilən nevroloji problemlərdən biridir. Vaxtında başlayan fizioterapiya və reabilitasiya üz əzələlərinin funksiyasını bərpa etməyə, mimik hərəkətləri gücləndirməyə və sağalma prosesini sürətləndirməyə kömək edir.
Miopatiya və neyromuskulyar xəstəliklər
Miopatiya əzələlərin quruluşuna və fəaliyyətinə təsir edən, əsasən əzələ zəifliyi ilə xarakterizə olunan xəstəliklər qrupudur: tez yorulma, əzələlərdə gücsüzlük, hərəkət zamanı çətinlik. Səbəbləri genetik, hormonal, iltihabi və digər faktorlarla əlaqəli ola bilər.
Neyromuskulyar xəstəliklər sinir sistemi ilə əzələlər arasındakı əlaqənin pozulması nəticəsində yaranır və hərəkət qabiliyyətinə, əzələ gücünə, gündəlik fəaliyyətə təsir göstərir. Belə hallarda vaxtında müayinə və düzgün reabilitasiya böyük əhəmiyyət daşıyır.
Onurğa beyni zədələnməsindən sonra
Onurğa beyni zədələnməsindən sonra düzgün və vaxtında başlayan reabilitasiya müalicənin ayrılmaz hissəsidir. Fərdi yanaşma və müntəzəm fizioterapiya sayəsində funksional bacarıqların bərpası və gündəlik həyata uyğunlaşma dəstəklənir.
Reabilitasiya proqramı haqqında: Nevroloji reabilitasiya.